Legazpi City- Record breaking o makasaysayan para sa sarong weather specialist an pagdeklara kan Northeast Moonsoon o Amihan Season.
Segun kay Masbate Weather Specialist Christian Allen Torevillas sa intrevista kan Bombo Radyo Legazpi na delayed an amihan sa presente kompara kan nakaaging taon nin huli sa high pressure area sa mga kataraid na mga kadagatan.
Pigtaram kaini na saro sa mga rason an nakaaging mga bagyo kun kaya nahaluyan an pagdeklara kan amihan asin kalimitan suboot na mga 3rd week kan October nagapoon an amihan na namamatian sa nasyon.
Sainda mang pighihiling an huma kan climate change na saro sa mga rason kun nyata nahaluyan an pagdeklara kan mga weather specialist asin posibleng mga ikatulong semana kan Marso sa sunod na taon matapos an amihan season.
Pinag-iingat man ni Torevillas an publiko sa surge o biglaang paglipot sa mga lugar na dara kan amihan nin huli ta pwede ini magkawsa nin sipon asin iba pang helang asin may mga lugar man na makakamati nin pagbaba sa temperatura partikular na sa mga haralangkaw na lugar sa nasyon.
Piglinaw man kaini na igwa man gilayun nin tyansa na may mabilog na bagyo sa masunod na bulan mantang namamatean an amihan sa nasyon.
Pagirumdom kaini sa publiko na magpreparar sa dadarahon kan Amihan na mga pag-uran asin pagbabaha partikular na sa mga low lying areas.
