LEGAZPI CITY- Nagluwas sa pag-aadal kan World Wide Fund for Nature na nagdakol an sightings kan butanding sa banwaan kan Donsol, Sorsogon.
Segun ki Sorsogon Provincial Tourism Supervising Tourism Operations Officer Bobby Gigantone sa intrevista kan Bombo Radyo Legazpi na dakulang tabang ini para sa pagtalubo kan turismo sa banwaan.
Sinabi kan opisyal na puon Disyembre hasta Hunyo an season kan sightings nin mga butanding.
Napag-araman na partikular na target kan banwaan iyo an foreign tourists na nagdadayo sa lugar ngani na magkaigwa nin interaction sa mga butanding.
Aminado man si Gigantone na dae nagagarantiya na urualdaw na magkakaigwa nin sightings an mga turista sa butanding kaya dakol na iba pang mga aktibidad an pig-oofresir kan provincia.
Pwedesir suboot na magdalan an mga ini kan alitaptap, magpasyar sa sikat na diving spot sa banwaan kan Piliar, magpasiring sa Sorsogon museum asin iba pang mga beach sa lugar.
