Dae napugulan kan pag-uran an delegasyon kan Pilipinas sa pagwagayway kan bandera kan nacion sa opening ceremony kan 2024 Paris Olympics.
Sinda Olympic silver medalists asin boxers Nesthy Petecio asin Carlo Paalam an nangenot sa delegasyon kan Pilipinas.
Igwa man na nagkapirang mga Pilipino an nag-antabay sa pagbubukas kan binansagan na ‘Greatest Show on Earth’ ngani na magpahayag nin suporta sa Philippine delegation.
An Pilipinas an igwang 22 na mga atleta sa Summer Games.
Mientrastanto, nagin star studded man an opening ceremonies kun sain presente an nagkapirang mga sikat na sports personalities asin showbiz personalities siring na sana kan singer na si Lady Gaga, rapper na si Snoop Dog, asin dakol pang iba.
