LEGAZPI CITY – Matoninong asin dikit pa man sana an nahihiling na mga posibleng kahampngon na problema sa pagpupuon kan kralasehan sa Ibalon Central School sa ciudad kan Legazpi.
Sa intrevista kan Bombo Radyo ki Elizabeth Lara, principal kan nasabing eskwelahan, dawa pa maikokonsiderang dakula an populasyon kan mga estudyante kun saen nasa 1:55 sa intermediate level asin 1:46 sa primary level an ratio kan mga ini sa maestro asin maestra, ideal number pa man suboot ini asin kaya pang mahandle kan mga paratukdo.
Sa ngonian man, ipigsairarom an mga ini sa double shifting kun saen alas-6 nin aga hasta hapon an first shift mientras na puon alas-12 nin udto hasta alas-6 nin banggi an ikaduwang shift kan nasa 50 classrooms.
Dakulang pasasalamat man kaini na mas organisado an nagin pagpupuon kan klase ngonian na taon kesa kan nakaaging school year huli sa mga advanced orientations sa mga magurang asin paratukdo.
Sa ibong na lado, aminado an prinsipal na igwa pang mga kinakaipuhang idugang na ekipahe asin pasilidad sa eskwelahan alagad padikit-dikit nang natatawanan nin magkakanigong atensyon.
