LEGAZPI CITY-Nagin marhay asin warang nairehistro na mga insidente sa ciudad kan legazpi mantang nagbukas na an klase ngunyan na taon 2025-2026.
Segun kay Octavio Rivero, Head kan Public Safety Office Legazpi, sa intrevista kan Bombo Radyo Legazpi wara man nin nairehistrong insidente sa mga kalsada, liwat man digdi igwa man sinda suboot nin naresibing complaint hale sa Department of Local and Interior Government (DILG), na sa palibot kan Barangay 35-Tinago na igwang mga nakaparada suboot sa mga ipinagbabawal na lugar, alagad nagdulok naman sinda sa kapitan kan nasambitang lugar ngani matawanan nin aksiyon asin magkaigwa nin clearing operation sa lugar.
Dugang pa kan opisyal, nagsagibo siya nin documentation sa mga eskwelahan ngani mamantenir an katoninongan kan mga ini asin masierto an paglaog kan mga yestudyante.
Nakapalibot man asin naka-drop off an saindang mga personnel sa saindang designated na mga area ngani mag-patrol asin magbantay sa mga ini.
Igwa man suboot na ipinaluwas na memorandum order an lokal na pamahalaan mapadapit sa saindang mga personnel na magkaigwa nin drop-off plan ngani dai mapabayaan asin masierto nin marhay an seguridad kan ciudad.
Mientrastanto, sa presenteng panahon padagos man giraray an saindang pagsasagibo nin clearing operation sa bilog na ciudad kan legazpi.
Nagpagirumdom man an opisyal na sa mg amotorista nanagbabayolar asin sa mga tricycle driver na dai mag-over charge sa mg apasahero urog pa sa mga mabisita sa ciudad katakod kan Bicol Loco Festival.
