Pagbabantay sa Mt. Bulusan, mahigot man giraray; Mt. Mayon, posible nang ibaba sa normal na lebel- Phivolcs

LEGAZPI CITY- Piglalaoman na kan Philippine Institute of Volcanology and Seismology (Phivolcs) na harani nang ibaba sa normal na lebel o zero status an Bulkang Mayon sa provincia kan Albay.
Segun ki Phivolcs residente volcanologist Ed Laguerta, bako na maray labi an ipinapahiling na abnormalidad kan bulkan sa mga nakalihis na bulan.
Pigbabantayan na sana suboot kan mga ini an mga materials sa laog na nawalat kan pag-aalburuto kan Mayon kan taong 2014 kun saen ini man an nagkakawsa kan naoobserbarang paghuhubag sa bulkan.
Sa ibong na lado, mantenido man an mahigot na pagbabantay kan ahensya sa mga aktibidades kan Mt. Bulusan sa Sorsogon urog na naoobserbaran man giraray an mga phreatic eruption digdi.
Pangadye pa ni Laguerta na dae mag-abot sa punto na mag-iba an aktibidad sa laog pasiring sa magmatic activity na pwedesir na magin dakulang huma para sa mga hararaning lugar sa bulkan.