LEGAZPI CITY- 
Sa intrevista kan Bombo Radyo Legazpi kay APSEMO chief Dr. Cedric Daep, maski pa padiit-diit na sana asin maluluya na an mga naoobserbaran na lava fountaining sa bulkan, nagtetenir man an peligro na dara kaini urog na sa mga residente nagtetenir sa laog kan danger zones.
Pagduon pa ni Daep na segun sa obserbasyon kan mga volcanologists na pabago-bago an ugali kan bulkan kun sain nagkapirang beses na man suboor na nagpahingalo alagad liwat na nagri-renew kan aktibidad.
Naabot na man kan bulkan an kabilugan na ejecta kan volcanic materials sa kda eruption na nasa labi sa 86 million cubic meters na alagad pighihiling na may iluluwas pa ini.
Mientrastanto, nasasabutan man suboot kan ahensya asin kan PHIVOLCS an inconvenience na dara kan wara na sa sadiring harong alagad pigduon na an seguridad man giraray kan mga ini an pig-iisip kan mga opisyal kaya malabo pang mangyari an pagpapa-uli sa mga ini.
