LEGAZPI CITY – Laoman na mai-eksperyensyahan pa an pag-uran uran na dara kan Tail-End of A Cold Front sa parte kan Kabikolan hasta sa Huwebes, segun sa PAGASA.
Katakod kaini nagpagdirumdom an weather bureau sa mga kahimanwa na magpaotob nin precautionary measures urog na sa mga lugar na may huma kan pagbaha asin pagrasay kan daga.
Sa intrevista kan Bombo Radyo Legazpi ki PAGASA DOST Legazpi weather forecaster Michael Francisco, nag-isyu nin yellow rainfall warning kasubagong aga makalihis na mag-abot na sa 55mm per hour an ibinagsak kan uran.
Alagad dagos-dagos man an mga namatian na pag-uran sa mga nakalihis na aldaw rason tangarig na magyumok an daga.
Segun pa ki Francisco, makusog pa an northeast monsoon sa mga masunod na aldaw na kun makadukot sa easterlies an posibleng magcrear nin mga cloudiness.
Komon man na nabibilog an mga nasabing panganuron sa sirangan na nagpapauran sa eastern portion kan nasyon.
