Nagtutubod si Manila 3rd District Rep. Joel Chua na dai makakaapektar sa progreso kan impeachment complaint laban ki VP Sara an saiyang anunsyo kasuodma (Feb. 18) na madalagan siya bilang presidente kan Pilipinas sa masunod na pirilian .
Segun sa mambabatas, mandato ninda sa hababang kapulungan na pag-olayan an mga reklamo laban sa sisay man na impeachable official, base sa kun ano an nakasurat sa konstitusyon.
Nag-anuncio man o dae an dating presidente, kaipuhan suboot na magdebate asin magdesisyon an Kamara sa reklamo laban sa bise presidente, asin an desisyon kan kada mambabatas an ibabase man liwat sa gabat kan iprinesentar na evidencia.
Dae man nahahandal si Chua sa mga posibleng sabihon kan kampo kan bise presidente na pamumulitika an impeachment complaint, urog na kun dagos ining mag-usad sa Senado, bilang impeachment court.
Segun sa Manila representative, igwa nang isinangat na complaint laban sa bise presidente poon pa kan 2024 asin 2025 kun nuarin dae pa ini nag-anunsyo kan saiyang intensyon na magdalagan bilang presidente.
Nataon sana suboot na natapos an 1-year ban asin dagos na mang pig-anunsyo kan bise presidente an saiyang mga plano para sa maabot na eleksyon.
Nanindugan man an mambabatas na dae na siya nabigla sa deklarasyon ni Duterte kan saiyang plano para sa masunod na pirilian, huli ta haloy na suboot ining piglalaoman kan publiko.
 na tatakbo siyang pangulo ng Pilipinas sa susunod na halalan.){kind=link}