LEGAZPI CITY – Nahihiling kan sarong peace studies professor na nagkakaigwa nin strategic alliance an pigsagibong pag-oolay ni Chinese President Xi Jinping, Russian President Vladimir Putin, asin North Korean leader Kim Jong Un.
Segun ki Bicol University Peace Studies Professor Dr. Herbert Rosana sa intrevista kan Bombo Radyo Legazpi na sa pag-iiribahan pa sana kan tulong lider kan mga makukusog na nacion an nagpapahiwatig ini laban sa mga kalaban nindang mga nacion.
Maski suboot si United States President Donald Trump an nakarisa na may pigpa-planuhan an tulong lider makalihis na akusaran niya na nagsasabwatan an tulong nacion kontra sainda.
Pagladawan niya man na enkasong magkaigwa nin world war 3 an magigin makampihan an Russia, North Korea, asin China mantang kompyansa siyang dae ninda madadaog an US huli sa arsenal kaini na mas dakula asin mas makusog.
Pigtaram pa kan nasabing propesor na padiit-diit nang nagpapadakula an China sa paagi kan pagrenta sa mga kataraid na nacion nganing pagtugdukan nin mga military bases nganing ma-secure man an world power huli sa pag-expand economically asin militarilly.
Sa papanaw niya man na an orolay kan tulong lider kan darakulang nacion an nganing maipahiling an saindang counter-balance laban sa mga dominanteng nacion sa enterong kinaban.
Alagad sa ibong kaini an nagtutubod pa si Rosana na pwedesir mang may saro sana sindang nacion na kalaban kun kaya napag-isipan ninda na magsanib pwersa.
