LEGAZPI CITY- Kumpiyansa an sarong kongresista na dagos nang maisasaley an pag-oktaba sa Sannguniang Kabataan asin Barangay elections sa Oktubre.
Segun ki Ako Bicol Partylist Representative Alfredo Garbin Jr., dawa pa mag-agi sa normal legislative procedure an nasabing propuesto, nagkaigwa naman suboot nin pag-uyon an Kongreso na nagsisirbeng consensus kan Kamara de Representantes.
Nakapalaman man sa ‘all-member caucus’ na io-oktaba ini sa puon Oktubre ngonian na taon alagad naatalaang ipadagos an pirilian sa Mayo sa masunod na taon.
Pigkakarkulong nasa 95% man kan mga lehislador an habo sa planong appointment kan mga barangay officials.
Preparado naman suboot an draft bill kan Senado mapadapit digdi kun saen dae na suboot kaipuhan pang ipaagi sa bicameral committee kun parehas man sana an laog kan duwang propuesto asin kun wara naman na mga rekomendasyon kun saen posibleng ngonian na bulan, maisumiter na ini sa Senado.
Nakatalaang isabay man sa bulan kan Mayo an plebisito para sa Bangsamoro Basic Law (BBL) na subject kan constitutional amendment.
