LEGAZPI CITY- Pig-iimbestigaran kan mga otoridad sa Australia kun ano an nagin katuyuhan kan mga gunmen sa pambabadil sa Jewish holiday celebration sa Bondi Beach sa pagbiyaje kan mga ini sa Pilipinas.
Ini makalihis na magluwas sa impormasyon na nagbiyahe pasiring sa Pilipinas kan nakalihis na Nobyembre an mga suspek na sinda Sajid asin Naved Akram.
Segun ki Bombo International News Correspondent Denmark Suede na padagos na nagtitipon nin impormasyon an mga kapulisan dapit sa insidente.
Aminado man ini na maski warang kinaaraman an Pilipinas sa nasabing mass shooting, dae pighahali an posibilidad na maka apektar na naman ini sa turismo kan nacion.
Mientras tanto, kan halughugon an behikulo kan mga suspek, nadiskubre an ISIS flag.
Dugang pa ni Suede na naaraman man kan mga otoridad na hali sa Pakistan an suspek asin naglaog sa Australia kan 1998 sa paagi kan student visa hasta sa makaagom sa nasabing nacion.
An aki man kaini na kaibanan man sa pambabadil an ipinangaki na sa Australia.
Sa presente nakikipagtabangan na man an manlain lain na mga nacion para sa nagpapadagos na imbestigasyon sa insidente.
