LEGAZPI CITY — Pigduon kan Presidential Anti-Corruption Commission (PACC) na kinakaipuhan na maaraman kun siisay an may panininmbagan sa pagpapatindog kan P8.1-billion kantidad nin health stations sa nacion.
Sa intrevista kan Bombo Radyo Legazpi kay PACC Commissioner Manuelito Luna, nagpapadagos suboor ngunyan an hiraruman na imbestigasyon urog pang may kapot na sindang bastanteng ebidensya sa paagi kan pakikipagtabangan kan Department of Health (DoH).
Segun sa opisyal, nagngangalas man sinda kun nata in-award sa sarong contractor sana an siring kadakulang proyekto urog pang nasa ,700 health stations an kaipuhan i-konstruir.
Huli digdi, pig-iimbestigaran na man kan ahensya an bidding process urog pang bako intremis an nasambitan na proyekto.
Dugang pa ni Luna na mawot man ninda madangog an opinsyon kan Department of Education (DepEd) huli ta pigduon kaini na wara sindang nagin partisipasyon sa proyekto maski pa saro ining inter-agency project.
