LEGAZPI CITY- Sinabi kan sarong Political analyst asin constitutional law expert na dapat na puga-puga na ngunyan an pag-aadal kan mga senator judges sa rules of impeachment.
Ini an katakod kan pinaglalaoman na pag-transmit sa senado kan articles of impeachment kontra ki Vice President Sara Duterte.
Segun ki Atty. Michael Henry Yusingco sa intrevista kan Bombo Radyo Legazpi na kinakaipuhan na magsilensyo na man an mga senador dapit sa saindang political views huli ta kinakaipuhan na preparado na sinda na mag-diretso sa trial.
Tinawan duon kaini na dapat na naga-akto na bilang mga judges an mga senador asin ipahiling an pagiging impartial.
Dagdag pa ni Yusingco na sa siring na panahon, dae na dapat hayagang ipigbubuyagyag kun siisay an kakampi sa lado kan politika.
