LEGAZPI CITY — Nagpapadagos an pagtao kan Public Employment Service Office (PESO) Albay nin summer jobs sa mga estudyante ngunyan na bakasyon.
Segun ki PESO Albay provincial manager Lily Nicoleta, target ninda an nasa tres cientos cincuenta na estudyante para sa summer job na madurar nin 25 dias.
Nilangkawan man suboot niya an level of salary rate ngane na matawan nin tyansa na maka-level out sa mga gagastusan arog kan consumer goods.
Mas pinili man suboot nindang ideploy an mga ini sa kaniya-kaniyang barangay ngane na dae na maggastos sa pamasahe.
Makua sana suboot an mga ini nin skills validation o registration ngane na magkaigwa nin input sa Public Employment information system.
Sa ngunyan, nasa tres cientos na an saindang naideploy huli sa kumpleto na ini sa requirements arog kan GSIS insurance.
Pighahalat na sana suboot ninda an notice to proceed hale sa Department of Labor and Employment (DOLE) ngane na maideploy naman an iba pang magsa-summer job.
