LEGAZPI CITY-Idineklara na an state of calamity sa Palawan kasunod kan matinding danyos na winalat kan bagyong Tino.
Kasunod kaini, an pwedesir nang magamit an pondo hale sa calamity fund kan probinsiya na nagkakantidad nin P90 million.
Marurumduman na sa Taytay, Palawan, an ikapitong landfall kan bagyong Tino asin ikawalong landfall sa El Nido, Palawan kan Miyerkules, Nobiyembre 6.
Basado sa Provincial Information Office (PIO) Palawan, itatalaga an calamity fund para sa pagsasaayos kan mga nadanyaran na mga tulay, tinampo asin pang importanteng imprastruktura siring man an pagtatao suboot nin tabang pang-pinansiyal asin relief assistance para sa mga pamilyang nawaran nin harong asin kabuhayan.
Sa huring situation report kan Provincial Disaster Risk Reduction and Management Office (PDRRMO), nagrapado na sa labi 97,000 na indbidwal an naapektaran kan nakalihis na bagyo.
Padagos man suboot an pigsasagibong damage assessment sa mahiwasang pinsala sa mga nasalantang lugar asin an pagtatao nin family food packs sa mga apektadong residente.
