LEGAZPI CITY- Tulo pang mga munisipyo sa provincia kan Catanduanes an nagpaabot na apektado naman an mga pananom kan nai-eksperyensyahang dry spell.
Nasa 346. 34 na ektarya na suboot kan standing crops kan paroy an apektado kan labing init kan panahon na namamatian sa San Andres, Panganiban asin Virac.
Sinabi ni Nelia Teves, provincial agriculturist sa intrevista kan Bombo Radyo Legazpi, katampad man kaini an kabilugang kantidad kan production loss na P9.9 million.
Batak naman an mga daga na pigtatanuman kun kaya masasakitan an mga paraoma en caso maghaloy pa an dry spell. Dawa an mga naglalaom sa irigasyon an apektado naman suboot huli sa nagluluyang lebel kan water source.
Mientras tanto, magkakaigwa man suboot nin ocular inspection an technical staff asin Provincial Disaster Risk Reduction and Management Council sa pag-validate kan mga report asin pag-aadalan kun marekomendar nin State of Calamity.
