LEGAZPI CITY- Pinagresibe kan Schools Division of Albay an maabot sa P748,000 na kantidad nin asistensya hale sa Albay Young Farmers Organization Inc.
Sa intrevista kan Bombo Radyo Legazpi kay Froilan Tena an tagapagtaram kan School Division of Albay, bilang parte kan pagsasagibo nin Brigada Eskwela asin Oplan Balik Eskwela 2025nagtao an naunambilang organisasyon nin mga gardening tools asin mga binhi na mapapakinabangan kan mga eskwelahan gikan sa 3rd district kan Albay.
Maabot man sa labi sa 300 na mga eskwehan sa Albay an pagdadarhan kan naunambitang mga gamit para sa proyektong “Gulayan sa Paaralan” na magagamit man sa pagtatanom kan mga gulayon.
Sa paagi kan mga narisebeng kagamitan asin mga binhi ay naasigurar digdi an kasiguraduhan sa pagsustinir kan programa sa lambang mga eskwehan sa probinsya kan Albay.
Mientras tanto obheto man kan naunambitang inisyatibo na gibuhong Functional Learning Laboratories an mga School garden para sa Agrikultura asin nutrisyon mantang pigpapapusog an pagkakaigwa nin mga sariwa gulayon asin produkto para sa mga feeding program sa mga eskwelahan sa probinsya kan Albay.
