LEGAZPI CITY – Matrayumpong nakumpiskar kan mga otoridad an nasa kabangang milyon na kantidad nin ilegal na droga sa tulong persona sa Brgy. San Roque, Tabaco City.
Sa intrevista kan Bombo Radyo Legazpi ki PEMS Raul Buella, Investigation Police Non-Commissioned Officer kan Tabaco City Police Station, nagkasar nin buy-operation an mga operatiba sa nasabing lugar na nagresulta sa pagkakaarestar sa tulong drug personality.
Nakua sa tulong persona an nasa kabilugang 101.79 grams kan pinagtutubudang shabu.
Nagkakantidad an nasabing ilegal na droga nin P692,172.
Huli digdi, nahahampang an tulong suspetsyado sa kasong pagbayular sa RA 9165 o Dangerous Drugs Act of 2002.
Segun ki Buella, dawa mahigot na nakabantay ngonyan an kapulisan sa nagpapadagos na aktibidad katakod kan Tabak Festival nakatutok man giraray sa pagpuho kan ilegal na droga sa ciudad.
