LEGAZPI CITY-Itatagama an P500-Milyon na pondo par asa upgrading kan Pantao Port sa Libon Albay bilang saro sa mga pinakadakulang proyekto kan Department of Agriculture Bicol (DA) ngonian na taon.
Segun ki Department of Agriculture Bicol Spokesperson Lovella Guarin, sa intrevista kan Bombo Radyo Legazpi na kabale an Pantao Port sa tulong darakulang proyekto kan Department of Agriculture sa bilog na Pilipinas para sa pagpapahewas kaini asin ngani magin modernong Agri-fishery food storage.
Kasabay ini kan pagbisita ni DA Secretary Francisco Tiu Laurel Jr. sa lugar kun sain tinawan man nin worth P65-Milyon na mga livelihood projects an mga paraooma kasabay an P17-Milyon na intervention para sa mga parasisira.
Nasa P28.7-Milyon an pinakadakulang packages sa livestock kun sain nakaresibe an Albay Bounty Agriculture Cooperative sa Camalig, Albay nin P4.5-Milyon leed packages na kompwesto nin 20 baka, cattle house, howling vehicle, mga feeds, sarong unit kan solar light na igwang solar panel asin iba pang animals.
Padagos man suboot an delivery sa iba pang banwaan sa provincia kan Albay.
Sinabi pa ni Guarin na makikipagkoordinar an ahensya sa DPWH asin DOTr ngani masuportaran an pag-expand asin pagbukas kan access road orog na sa San Jose, Polangui pasiring sa Maharlika Highway.
Mientrastanto, ikinaogma man kan mga paraoma an nasabing lakdang huli ta nakatabang ini sa saindang mga kabuhayan.
