Ibinuyagyag ni Interior Secretary Jonvic Remulla na ibinalik kan Philippine National Police (PNP) an P500 milyon na suboot insertion sa P1.3 billion intelligence fund kan ahensya na dae nagamit.
Sa pagdangog kan Senado sa propwestong 2026 budget kan DILG, sinabi ni Senador Sherwin Gatchalian na buminaba sa P800 milyon sa 2026 an pondo para sa intelligence operations kan Philippine National Police hale sa P1.3 bilyon kan 2025.
Segun kay Remulla, an nasabing P500 milyon an ipiglaog sana kan sarong kongresista sa budget.
Tinaram ni Remulla an kongresista na naglaog nin insertions iyo an naghahagad suboot nin 3000 containers nin sira asin sa pagkakaaram niya an hale sa Region 5.
Magigirumdumang enot nang kinumpirmar ni Agriculture Secretary Francisco Tiu Laurel na pigpipirit siya ni dating Cong. Zaldy Co na aprubaran an permit para sa importasyon kan 3,000 containers kan tulong kumpanya.
Segun kay Remulla, dae ninda tinanggap an kadugangang pondo huli ta natatakot sindang may kapalit ini.
Nangalas man si Gatchalian kun ngata may “insertion” sa intelligence fund kan pambansang pulisya.
Sa ibong kaini pigsyerto ni Gatchalian na suportado kan Senado an pag-alokar nin bastanteng intelligence fund para sa PNP, alagad dapat ining magtenir na malinig asin warang kapalit.
 has returned the P500 million alleged insertion into the agency's P1.3 billion intelligence fund that was not used.){kind=link}