LEGAZPI CITY—Karsel an bagsak kan sarong lalaki sa ikinundusir na buy-bust operation sa Barangay Poblacion District 1 kan banwaan nin Claveria, Masbate.
Segun ki Claveria Municipal Police Station Chief of Police Police Captain Ma. Dolores Abenia, sa intrevista kan Bombo Radyo Legazpi, an suspek sarong tricycle driver na residente kan Barangay Poblacion District 2, kan nasambitang banwaan.
Nakumpiskar sa suspek an apat na pakete nin pigtutubudang shabu na may gabat na 7 grams asin may kantidad na pocomas o menos P47,000.
Dugang kan opisyal na posible man suboot na gikan sa Naga City o sa parte kan provincia nin Camarines Sur pigkukuwa kan suspek an ilegal na droga.
Sa presente nasa kustodiya na kan Claveria MPS para sa dokumentasyon asin mahahampang sa kasong pagbalgar sa Republic Act 9165 o Comprehensive Dangerous Drugs Act of 2002.
