LEGAZPI CITY—Nakatalaang makaresibe nin P3,000 an mga parasisirang benepisyaryo kan fuel subsidy na programa kan Bureau of Fisheries and Aquatic Resources Bicol sa masunod na semana.
Segun ki BFAR Bicol Spokesperson Rowena Briones, sa intrevista kan Bombo Radyo Legazpi, nakalinyada digdi an mga rehistradong parasisira na na-validate na asin isinumiter kan lokal na gobierno magin kan BFAR.
Nakabugtak an nasabing subsidiya sa sarong card na iyo an ipepresentar sa mga accredited gasoline stations kan saindang ahensya.
Nilinaw niya bago pa man an krisis Middle East an parte na ini kan saindang programa.
Pigsuhestiyon man ni Briones an aquaculture bilang saro sa paramientras na alternatibong mapagkuwaan nin ganansya huli sa dae kaini kinakaipuhan nin gasolina nganing maglawod bako siring kan pagsisira, segun saiya na bukas an saindang opisina para sa orientration asin technical assistance.
