Ibinasura kan Sandiganbayan an P276 million forfeiture case kontra ki dating Presidente Ferdinand Marcos Sr. asin dating First Lady Imelda Marcos.
Basado sa 30 pahinang resolution, sinabi kan anti-graft court na haloy na na-octaba an kaso sa parte kan Presidential Commission on Good Government (PCGG).
Segun sa korte na dae kayang tawan nin patas na paglilitis an mga defendant huli ta kadaklan sa mga posibleg testigo an nagadan na.
An documentary evidence suboot an dae na mahaap pa huli ta 37 taon ng nakabinbin an kaso puon kan isunad ini kan 1987.
Pighayag man kan Second Division kan korte na an natatadang nabubuhay na defendant na si Imelda Marcos an nasa 95-anyos na kaya an abilidad kaini ngani na magtestigo asin rumdumon an mga pangyayari an maluya na.
Dugang pa kan korte na warang kakayanan na magtestigo sa nasabing kaso an mga aki kan mga defendant na sinda Presidente Ferdinand Marcos Jr., Senator Imee Marcos asin Irene Marcos-Araneta huli ta menor de edad an mga ini kan mangyari an pigtataram na iligal na mga transaksyon na may koneksyon sa Pinugay Estate na 53 taon na an nakakalihis.
