LEGAZPI CITY-Boluntaryong isinuko kan sarong concerned local citizen asin 2 parasira sa mga awtoridad an P20,400,000 na kantidad nin shabu o (methamphetamine hydrochloride) na nakuang inanod sa baybayon kan Ilocos Norte.
Nasa laog kan 3 plastic bag an shabu na may markang Chinese character na may pigkakarkulong total na gabat na maabot sa 3 kilogramo.
Nadukayan an mga ini na naglalataw-lataw sa baybayon kan minasunod na mga barangay sa Ilocos Norte: Barangay Pangil Currimao, Barangay 33-A La Paz, Laoag City asin Barangay Masintoc Paoay.
An mga pakete nin shabu itinao sa Philippine Drug Enforcement Agency (PDEA) kan Ilocos Norte Provincial Office, kaiba an mga lokal na katimbang hale sa Philippine Coast Guard (PCG) asin Philippine National Police (PNP).
Segun kay Philippine Drug Enforcement Agency (PDEA) Director General Isagani R. Nerez, nagpapadagos pa an retrieval operations asin examination sa mga coastal areas sagkod na sa ma-inspection sa gabos na nakapalibot sa lugar.
