LEGAZPI CITY – Ikina-ugma kan mga opisyales kan Barangay San Roque an bagong bakal kan Gobierno Lokal kan Legazpi City na mobile water pump na makakatabang sa mga pagbabahang namamatean sa panahon nin tag-uran.
Segun ki Punong Barangay Gil Atento sa intrevista kan Bombo Radyo Legazpi na haloy na nindang pigpo-problema an mga serye nin pagbabaha urog nang harani an saindang lugar sa Tibo river.
Pagladawan niya man na pwedesir na magsubside tulos asin mawara an mga pagbabaha sa saindang barangay sa oras na ginamit na an naunambitang pump na kayang magbuga nin sagkod 550 liters nin tubig kada segundo.
Sa hiling niya man an supisyente na an water pump nganing masulusyunan an haros nakasanayan na nindang problema asin pwedesir nang maka-eksperyensya nin zero-baha an saindang lugar.
Pigtaram pa kan opisyal na nag-aabot na kaya sa haros tabay an lebel kan tubig urog na kun hightide kun kaya dakulang katabangan sa sainda an pag-ooperate kan water pump.
Kahagadan man ni Atento sa Gobierno Lokal na mapunan na tulos an operation kan mobile water pump urog nang madali na naman an full moon ngonian na bulan na makawsa na naman sa pagtaas kan lebel kan dagat na pwedesir maka-apektar liwat sa sainda.
