Tinuyaw ni Ombudsman Jesus Crispin “Boying” Remulla an ‘salang impormasyon’ na ipigpakalat ni Philippine Ambassador to the United Kingdom Teodoro Locsin Jr. mapadapit sa suboot pagdakop ki dating Presidente Rodrigo Duterte.
Pagdoon kan bagong Ombudsman, dae kinidnap an dating presidente asin wara man na nangyari na pagbalgar sa proseso kan ley kan ipinadara siya sa Netherlands nganing hampangon an kasong crimes against humanity.
Kun babalikan an kontrobersyal na pahayag ni Ambassador Locsin, nakasaad digdi na dae inarestar kan International Criminal Court (ICC) an dating presidente alagad kinidnap siya kan mga Pilipino digdi sa Pilipinas asin dagos na ipinasakamot sa mga dayuhan.
Tinukoy man kan dating Duterte appointee bilang pagtatraydor sa nacion.
Siring man, nanindugan si Ombudsman Remulla na warang nangyaring pangingidnap o iligal na pag-arestar.
Sa katunayan suboot, nasunod an gabos nin legal procedures kan inarestar an dating Presidente sagkod sa dagos siyang ipinadara sa The Hague.
Taong 2018 kan idesignar ni dating Presidente Duterte si Locsin bilang kalihim kan Department of Foreign Affairs. Rinibayan niya si dating Sec. Alan Peter Cayetano na nagbaba kaito sa pwesto nganing magdalagan na kongresista.
