LEGAZPI CITY-Kinumpirma kan Office of the Ombudsman na pigsugo ninda si former House of Representatives Speaker Martin Romualdez na simbagon an mga reklamong pigkakahampang kaini mapadapit sa korapsyon.
Sa mensaheng ipinadara ni Assistant Ombudsman Atty. Mico Clavano, sinabi niya na nag-isyu na nin kasuguan an ‘preliminary investigation team’ kan tanodbayan sa dating house speaker asin sa kaparehong respondents kaini.
Kun sain, inatasan sindang magsumiter nin ‘counter-affidavits’ bilang kasimbagan asin depensa sa mga reklamong isinangat laban sa sainda.
Presente kaya na nasa ‘preliminary investigation stage’ na an mga reklamong pigkakahampang kan mambabatas arog kan plunder, graft, asin money laundering.
Katakod ini kan pagigin imbuelto suboot ni Leyte 4th District Rep. Martin Romualdez sa isyu kan korapsyon partikular sa maanomalyang flood control projects kan gobierno.
Inanunsyo man ni President Ferdinand ‘Bongbong’ Marcos Jr. an pagsasangat kan Ombudsman nin patung-patong na mga kaso laban kay Romualdez
