Pigsyerto kan presenteng kalihim kan Department of Justice na si Secretary Jesus Crispin Remulla na dae magagamit an Office of the Ombudsman bilang ‘political weapon’.
Sa nagin paghapot kan Bombo Radyo sa nasabing kalihim, saiyang sinabi na makaka-asigurar na dae magagamit an pagka-Ombudsman kontra o laban sa orolay pampulitikal.
Saiya pang pagsyerto na enkasong siya an maidesignar sa posisyon, an opisina kaini an siyang ligtas sa ‘political harrasment’ huli ta magigin patas suboot siya bilang Ombudsman.
Afuera pa digdi an tinawan doon pa kan nasabing kalihim na tama asin maninigo sana an saiyang pagtatao nin ‘clearance’ sa pagkakaarestar asin pagpapadara kay dating Presidente Rodrigo Roa Duterte sa International Criminal Court.
Pagdoon ni Justice Secretary Remulla, igwa man na bastanteng basehan nganing maisakatupadang maipadara an dating lider kan Pilipinas sa The Hague, Netherlands.
Mientrastanto, nagdulok man sa ofisina kan Korte Suprema an secretary-general kan Coalition Against Corruption asin Kilusang Pagbabago National Movement for Change na si Monalie Dizon.
Mawot niyang matawang atensyon an reklamo mapadapit sa suboot mga pekeng notice asin subpoena na naglalakop.
Partikular suboot kaya sa Olangapo City igwang mga piskal na imbwelto sa ‘falsified documents’ na sinda Deputy City Prosecutor Ria Nina Sususco asin Associate City Prosecutor Lilia Hinanay-Escusa.
Nag-ugat suboot ini sa pekeng kaso isinunad laban kay Simon Su na may kinaaraman sa rape asin serious illegal detention gamit an ngaran asin pekeng pirma.
