Pormal na masalang sa imbestigasyon kan Senate Blue Ribbon Committee si dating Ilocos Sur Governor Luis Chavit Singson nganing matawan linaw an isyu kan mga maanomalyang flood control projects sa nasyon.
Ini makalihis na kumpirmaron ni Senate President Pro Tempore Panfilo Lacson, an panel chairman, na inako kan saiyang komite an boluntaryong ofresir kan dating gobernador na magtestigo.
Segun sa senador, si Singson mismo an nagpadara kan surat asin nagpasiring sa saiyang opisina kan Lunes nganing ipaabot an saiyang intensyon.
Sa ibong kan dae pa nasasairarom sa pormal na vetting o review an testimonya ni Singson, piglinaw ni Lacson na tulos niyang tinugutan an kahagadan makalihis na masierto na nakasentro an pahayag sa kontrobersiya.
Ipigdoon kan panel chair na maski warang isinumitir na affidavit, supisyenteng may kinaaraman an pahayag ni Singson sa nagpapadagos na imbestigasyon.
Paramientras na ipigtala kan komite an masunod na pagdangog sa Abril 14, alagad pwedesir pa suboot ining mapaamay.
Mientrastanto, inihayag man ni Lacson na nababanga an mga miyembro kan komite kun papaapodon an 18 dating Marines.
An nasabing grupo an nag-angkin na naghatod suboot sinda nin P805 bilyong cash gikan sa pondo kan flood control projects sa manlaen-laen na indibidwal.
Segun sa senador, igwang mga nagkokontra sa pagpapa-apod sa mga dating militar huli ta posibleng makadisturbo sana ini sa dalagan kan imbestigasyon.
