LEGAZPI CITY- Nagbaba an numero kan mga pamilyang Pilipino na nagtaram na pigkokunsiderar ninda an sadiri bilang nagtitios sa huring quarter kan 2025.
Segun ki Octa Research Fellow Dr. Guido David sa intrevista kan Bombo Radyo Legazpi na nagluwas sa nagbaba an datos hali sa 54% pasiring sa 37%.
Katumbas ini nin nasa 4.5 million na mga pamilyang Pilipino na dae na pigkokunsiderar an sadiri bilang tios.
Sinabi kan opisyal na posibleng kaibanan sa mga rason kan pagbaba kan self rated poverty an pagbaba kan unemployment rate asin inflation sa nasabing peryodo.
Nakatabang man suboot an access sa mas abot-kayang pagkakan siring kan Kadiwa stores asin iba pang mga programa kan gobierno.
Segun ki David na an 37% self rated poverty an pinakahibabang datos puon kan taong 2022.
Alagad nilinaw kan opisyal na igwang mga rehiyon sa nacion na nakapagrehistro nin paglangkaw sa self rated poverty kaya igwa man liwat na mga lugar na nakaka eksperyensya nin pagtios.
