LEGAZPI CITY—Nagtenir na matoninong an pag-obserbar kan Undas sa banwaan kan Jovellar, Albay.
Segun ki Jovellar Municipal Police Station Chief of Police Police Captain Rufino Casagan, sa intrevista kan Bombo Radyo Legazpi, na labi sa 10,000 indibidwal an nagbisita sa mga kamposanto kan nasabing banwaan.
Wara man suboot sindang nairehistrong untoward incident durante kan saindang pagbabantay sa mga kamposanto.
Dugang ni Casagan na nakiki-ulay an saindang oficina sa publiko na mamantenir an paz y orden asin kaayusan sa obserbasyon kan Undas sa saindang lugar.
Pig-asigurar man kaini na yaon an saindang kapulisan na preparadong magserbi para sa ikakarahay kan naunambitang banwaan.
