Inanunsyar kan National Tobacco Administration (NTA) an pagpapaluwas nin P100 milyong pondo bilang tabang pinansyal sa mga paraoomang nagtatanom nin tabako.
An pondo an kaiba sa Tobacco Production Assistance Program (TPAP), na obhetong suportaran an produksyon kan tabako sa nasyon asin syertuhong may bastanteng kita an mga paraooma.
Piglalaoman ining ipapaluwas sa katahawan kan Disyembre, kasabay kan pagpopoon nin omahan para sa 2024-2025 cropping season.
An tabang na ini an magtatao sa mga paraoma nin subsidiya para sa binhi, abono, asin iba pang kinakaipuhang kagamitan sa pagtatanom.
Apwera kaini, obheto man kan programa na pakusugon an kalidad kan produksyon nin tabako nganing makipagsabayan ini sa pandaigdigang merkado.
Segun sa NTA, an lakdang na ini an kasabay sa saindang estratehiya nganing mamantinir an importansya kan industriya nin tabako sa ekonomiya kan nasyon.
Nagmamawot man an ahensya na makakatabang an pondo sa pagpaparahay kan kabuhayan kan mga magsasaka sa ibong kan mga huma sa sektor kan agrikultura.
