Nangapodan si North Korean leader Kim Jong-un nin marikas na pagpapahiwas kan nuclearization mantang tinuyaw an taunang military exercise kan South Korea asin Estados Unidos bilang “most hostile and confrontational” sa Pyongyang.
Ginibo ni Kim an pahayag makalihis bumisita sa bagong barkong pandigma kan nacion, na Choe Hyon kan enot na aldaw kan Ulchi Freedom Shield na sarong joint military exercise kan US asin South Korea na madurar sagkod Agosto 25.
Sinabi pa ni Kim na an mga exercise military an malinaw na indikasyon suboot kan pagigin agresibo kan Amerika asin South Korea laban sa North Korea, asin ipigdoon niya na kaipihang sumunod an saiyang nacion sa paagi kan mas pinarikas asin pinahiwas na nuclear program.
Nagsimbag man an South Korean Unification Ministry, na sinabing an military drills an defensive man sana asin warang intensyong magpoon nin tensyon sa rehiyon.
Segun sa mga eksperto, an pagbisita ni Kim sa barkong pang-gyera an may obhetong ipahiling an determinasyon kan Pyongyang na pahiwason an nuclear kaini, kasabay kan paparing pag-oolay ninda South Korean President Lee Jae Myung asin U.S. President Donald Trump sa Agosto 25.
