LEGAZPI CITY – Aprubado sa Teacher’s Dignity Coalition an pigbubusol na proponidong ley ni Albay Rep. Joey Salceda na pagbabawal sa paggamit nin cellphone asin iba pang digital devices mantang nasa klase.
Sa intrevista kan Bombo Radyo Legazpi ki TDC national chairperson Benjo Basas, eksistido na dati pa bilang polisiya an pagbabawal sa cellphone sa klase.
Alagad nasasabutan man na importanteng gadget ini sa mga aki asin mga magurang lalo na sa komunikasyon, kun kaya dapat na tugutan sa emergency situation.
May rason man an pag-imponir kaini na isabay an kindergarten pupils huli sa posibleng epekto sa mga mata dawa aki pa.
Warang nahihiling na problema si Basas sa pagsasaley kan propuesto.
