LEGAZPI CITY- Ikinaugma kan National Nutrition Council na mas nagdadakol pa an mga lokal na gobierno sa rehiyong Bicol na padagos na nagpapakusog kan saindang mga esfuersos ngani na matutukan an nutrisyon kan saindang mga nasasakupan.
Ini an basado sa performance kan mga lokal na gobierno na nakaka abot na suboot sa standars kan ahensya.
Segun ki National Nutrition Council Bicol Director Arlene Reario sa intrevista kan Bombo Radyo Legazpi na dakol na aspeto an pighihiling kaibanan na an vission asin mission.
Pighihiling man kun papano pigigibo an plano asin management kan local nutrition committee asin kun papano an implementasyon kan programa puon sa pag-adaptar kan national laws.
Tinawan duon man kan opisyal na importanteng natututukan kun hain an mga lugar na halangkaw an kaso nin pagkabansot, malnutrisyon asin overweight bako sana sa mga umboy kundi magin sa school children.
Napag-araman kaya basado sa datos na dakol na mga lugar an nakaka eksperyensya nin halangkaw na kaso nin stunting asin malnutrisyon sa mga school children.
