Nagpromesa si National Food Authority (NFA) Administrator Larry Lacson na papamarayon pa lalo kan naunambitang ahensiya an pagsisirbi kaini nganing makuwa an tiwala kan mga Pilipino.
Sa iniluwas na Christmas message ni Lacson, nakabugtak digdi an saiyang pagmamawot na makuwa gilayun an tiwala kan mga namamanwaan nin huli ta pig-asigurar niya na mas dakol na paraooma an mas matatabangan kan NFA kapag nagtiwala an publiko sa ahensiya.
Segun kay Lacson, mawot kan NFA na makapaghatod nin mas dakol na baratong bagas sa mga Pilipino.
Pigdugang pa kan NFA Chief an pagmamawot niyang maibalik an iba pang kapangyarihan asin mandato kan ahensiya na enot nang tinanggal kan naisa-ley an Rice Tarrification Law sa nakaaging administrasyon.
Pangenot digdi an pagbabalik kan NFA rice sa retail service.
Segun kay Lacson, mas magigin makabuluhan an NFA kun maibabalik an mga dati kaining kapangyarihan, asin mas makakapagsirbi sa mga namamanwaang Pilipino.
Pigtawan honra man kan opisyal an mga empleyado kan NFA sa saindang padagos na pagsisirbi sa publiko sa ibong kan mga agyat suboot na kinahampang ngunyang taon.
