LEGAZPI CITY—Tinawan-duon kan Legazpi City Public Safety Office na dapat magsairarom sa neuropsychiatry test an sarong indibidwal na makua nin lisensya ngani na makapagmaneho nin behikulo.
Sinabi an pahayag makalihis an nangyaring insidente nin soboot pambabastos kan sarong tricycle driver sa pasahero kaining babaye na mapasyar sa Sawangan Park sa ciudad kan Legazpi.
Segun ki PSO Legazpi Head Octavio Rivero, sa intrevista kan Bombo Radyo Legazpi, na ini an saro sa mga isyu na dapat tawan atensiyon kan Land Transportation Office.
Ini kun saen an sarong indibidwal na nag-aapply na magkua nin driver’s license an dapat iagi muna sa neuropsychiatry test ngani en kaso man na makapasar sa test kan LTO, saka sana makakakua nin naunambitang lisensya.
Alagad kun dae man nakapasar sa nasambitang neuropsychiatry test dapat man na dae pagtawan nin lisensya huli ta ini an saro sa mga nakakaraot kan imahe kan iba pang toltol na mga nagpapasadang drayber sa ciudad.
