LEGAZPI CITY – Nakikipag-coordinar naman an National Economic and Development Authority (NEDA) Bicol sa pulisya asin Legazpi City Public Safety Office tangarig na maparikas an paghahanap sa nawawarang company driver na si Vicente Macasinag, 60-anyos.
Sa intrevista kan Bombo Radyo Legazpi ki NEDA Bicol Director Agnes Tolentino, klinarificar kaini na dae man naglaog kan Lunes, Setyembre 30 si Macasinag urog na wara man an pangaran sa logbook.
Enot nang pigpensar na nag-absent sana sa trabaho an driver alagad ikinangalas an dae kaini pagpaaram sa immediate head.
Nagpa-meeting naman si Tolentino sa mga kaibanan ni Macasinag sa trabaho sa pagtatarabangan tangarig na mahanap an empleyado.
Makondusir man nin backtrack sa mga nagin aktibidades kaini antes an pagkawara.
Napag-araman na nasa labi 30 taon naman ining nagsi-servicio sa nasabing oficina kaya garing pamilya na suboot an trato digdi.
