Binawian na nin buhay si NBA Hall of Famer Dikembe Mutombo sa edad na 58-anyos.
Segun ki NBA Commissioner Adam Silver na nagsapar si Mutombo nin brain cancer.
Sinabi man ni Silver na dae malilingawan an pagigin matibay ni Mutombo sa depensa urog na sa pagiging greatest shot blockers asin defensive players sa historya kan NBA.
Marurumduman na nagin eight-time NBA All-Star player ini asin apat na bes na nanggana nin Defensive Player of the Year award.
Puon1991 hanggang 2009 nagkawat ini sa NBA sa mga koponankan Denver Nuggets, Atlanta Hawks, Philadelphia 76ers, New Jersey Nets, New York Knicks asin Houston Rockets.
Mantang nagkakawat, pigtatabangan man kaini an mga namamanwaan sa Democratic Republic of the Congo kun sain nagtindog siya nin foundation kan 1997 asin nagbukas nin mga eskwelahan asin ospital sa paagi nin charity.
Nagserbi man siya bilang enot na Global Ambassador kan NBA.
