Inihayag ni US President Donald Trump na mawot kan Iran na magkaigwa nin kasunduan.
Segun sa US president na igwang nagkapirang opisyal kan Iran an nagpaabot nin kamawotan nin posibilidad kan diplomatic opening ngani na matapos na an nangyayaring labanan.
Dugang pa kaini na pinag-iisipan pa niyang marhay kun pipilion niyang mag-uyon na makipag partisipar sa pakikipag-olay sa Iran.
Ginibo ni Trump an pahayag makalihis kanselaron kan Gulf Arab states an planong meeting sa Iran asin mga Houthi rebels hali sa Yemen.
Marurumduman na liwat na suminiklab an kariribukan sa Middle East makalihis maglansar nin pag-atake kan Iran sa mga barko na naga-agi sa Strait of Hormuz.
