Kinumpirmar kan kampo ni Vice President Sara Duterte na opisyal na nindang naresibe an kasuguan hali sa Quezon City Regional Trial Court (RTC) Branch 98 na nagpapatibay sa pagbasura sa saindang motion for inhibition kontra sa presiding judge kan kaso.
An kasuguan an katakod kan tulong beses na demanda kan grave threats kontra sa bise presidente na nag-ugat sa saiyang mga naging pampublikong pahayag kontra sa nagkapirang haralangkaw na opisyal kan nacion.
Partikular digdi an suboot huma kinda Presidente Ferdinand Marcos Jr. First Lady Liza Marcos asin dating House Speaker Martin Romualdez.
Segun sa abogado kan bise presidente na si Atty. Paul Lawrence Lim, gagamiton kan saindang lado an gabos na available legal remedies mantang padagos na masunod sa kasuguan k an korte kan sub judice rule.
Sa irarom kaini, mahigot na pinagbabawalan an mag-inibong na lado na tukaron sa publiko o sa media an merito kan nakabinbin na kaso bilang pagrespeto sa rule of law.
