Nakigkig an NBA community sa ginibong trade sa pagultangan kan Los Angeles Lakers asin Dallas Mavericks.
Kompirmadong nalipat an franchise player kan Dallas na si Luka Doncic sa Lakers kapalit ni Anthony Davis na malipat man sa Mavericks.
Kaiba man sa trade sinda Maxi Kleber asin Markieff Morris sa kaiba ni Doncic sa Los Angeles, mantang sinda Max Christie asin sarong 2029 first-round draft pick an napaduman sa Dallas.
Afuera digdi, an Utah Jazz an nagkaigwa man nin mga kadugangang player asin draft picks bilang kabtang kan kasunduan.
Sa presente, parehong may pigmamati na injury sinda Doncic asin Davis asin piglalaomang makakabalik sa pagkawat sa mga masunod na semana.
An biglaang palitang ini an nagkawsa nin manlain-laing reaksyon gikan sa mga fans asin eksperto sa liga.
