Naglubog an naval destroyer kan Iran sa Strait of Hormuz mantang nagsasagibo nin repair.
Segun sa report, nakaangkla sa pantalan an barkong panggera na may pangarang Sahand destroyer kan magtagilid ini huli sa nakalaog na tubig.
Nagkapira sa mga crew an nalugadan alagad dae naman nagtao pa nin numero an gobyerno kan Iran.
Maski pa naglubog na, pinaglalaoman na mapapakaray asin maibabalik man giraray sa operasyon an barko huli ta hibabaw man sana an parte kan dagat na pinaglubogan kaini.
Kompleto an nasabing naval destroyer nin mga makabago asin advance na armas siring kan surface-to-surface asin surface-to-air missiles, anti-aircraft batteries, high tech na radar asin radar-evading capabilities.
May gabat ini nin nasa 1,300-tonelada.
