LEGAZPI CITY—Tutukan kan National Press Club of the Philippines an pag-imbestigar kan mga kapulisan sa pambabadil sa sarong local media practitioner kan Albay na si Noel Samar sa Barangay Morera, Guinobatan, Albay.
Segun ki National Press Club of the Philippines President Leonel Abasola, sa intrevista kan Bombo Radyo Legazpi, naghihingoa an saindang grupo na matawan nin hustisya an nasabing indibdiwal.
Pagdugang ni Abasola na ikinamondo soboot ninda an nangyaring pambabadil sa kapwa media practitioner.
Segun saiya na kun may makulog na boot an sarong opisyal kan gobierno sa sarong mediaman an dapat maghinay-hinay sa saindang mga desisyon asin dae dapat iniipig-harass.
Siring man na kun sinda an pigpahahagadan nin intrevista an bukas an saindang mga opisina nganing madangog an saindang lado sa sarong pigtotokar na isyu.
Mensahe man niya sa mga media practitioners sa Albay na en kaso nakaka-eksperyensya sinda nin pagka-alanganin sa saindang trabaho na pwedesir sindang makipagkoordinar sa saindang ofisina nganing matawan sinda nin proteksyon.
