LEGAZPI CITY – Nagpuon na an National Learning Camp kan Department of Education na obhetong mapakusog pa an pag-aadal kan mga estudyante.
Alagad dae pa man naghahaloy an programa pig-uuran na ini nin reklamo hali sa mga paratukdo.
Sa intrevista kan Bombo Radyo Legazpi kay Vladimer Quetua an Chairperson kan Alliance of Concerned Teachers, may mga paratukdo an nagrereklamo huli ta imbes na boluntaryo sana, iniagi sa pa-raffle an pagpili nin teacher na maturo sa learning camp.
Igwa man na reklamo an kakulangan nin pondo na pampasweldo sa mga paratukdo na maatindir sa programa.
Huli digdi may ibang lokal na gobyerno an nagpromesa na sana na matagama nin pondo na pampasweldo sa mga paratukdo.
Ikinamundo ni Quetua na imbes na nagpapahingalo na an mga teacher ngunyan na bakasyon, an pigpapalaog man giraray sa eskwelahan alagad kulang man sa pasahod.
Huli digdi, pangapudan ni Quetua ki Presidente Ferdinand “Bongbong” Marcos Jr. na maghanap na nin maribay na secretary kan Department of Education na mas may kapabilidad asin may pagmakulog sa mga paratukdo
