LEGAZPI CITY—Arestado an sarong high value individual an arestado sa buy-bust operation sa Sitio Kisape, Barangay Maguiron sa banwaan kan Guinobatan, Albay.
Segun ki Albay Police Provincial Office Provincial Director Police Colonel Noel Nuñez, sa intrevista kan Bombo Radyo Legazpi, binisto an persona na sarong 41-anyos, construction worker, asin residente kan Barangay San Rafael kan nasambitang banwaan.
Dugang kan opisyal na kabale an nasabing indibidwal sa listahan kan high value individuals.
Nakumpiskar digdi an labi 105 gramos nin pigtutubudang shabu na may kantidad na nasa P714,000.
Nasa kustodiya na kan Guinobatan Municipal Police Station an suspek asin mahahampang sa kasong pagbayolar sa Republic Act 9165 o Comprehensive Dangerous Drugs Act of 2002.
Mensahe man kan opisyal na padagos an saindang operasyon sa anti-illegal drug operation kun saen gabos na kabale sa listahan kan high value individuals asin street-level individuals an saindang pigva-validate nganing tulos man ninda ining maarestar.
