LEGAZPI CITY-Kinakaipuhan nin nasa 7,000 classrooms sa ciudad kan Legazpi para sa pagkakaigwa nin pasilidad kan mga apektadong estudyante bilang paghahanda sa paglangkaw kan alert level kan Bulkang Mayon.
Segun ki Legazpi City Mayor Hisham Ismail, na pinagoolayan na ninda an problema sa classrooms sa ciudad enkaso magsakat pa ang alert level kan Bulkang Mayon.
Nakadepende suboot ini sa ilalatag kan Deped na gagamiton na pasilidad asin hihilingon basado sa isusumiter na report.
Poon sa 200 na mga classrooms, pighihiling man suboot kan city government na solusyon an mga abandonadong classrooms kan panahon nin pandemic.
Hihilingon man suboot an pasilidad kun igwang mga water tank ngani makadugang asin posibleng magamit kan mga estudyante asin kan namamanwaan sa ciudad.
