LEGAZPI CITY- Nagsakat pa sa n asa 4,000 na mga konsumidores an naputulan kan Albay Electric Cooperative sa bulan nin Setyembre.
Segun ki Albay Electric Cooperative Spokesperson Anj Galero sa intrevista kan Bombo Radyo Legazpi na dakol man liwat an mga konsumidores na dae nakakasunod sa tamang pagbabayad kan saindang konsumo.
Aminado an opisyal na dakula an epekto kaini sa pagpapadagos kan operasyon sa bilog na provincia.
Napag-araman na basado sa datos, an ciudad kan Tabaco an nagtetenir na igwang dakulang numero kan mga konsumidores na naputulan.
Katakod kaini, nangapudan an opisyal sa mga miyembro-konsumidores na magbayad sa tamang oras kan saindang konsumo ngani na maipagpadagos man an paggamit kan suplay nin kuryente.
