LEGAZPI CITY-Nilipat an nasa 378 na mga residente hale sa Barangay Calbayog Malilipot Albay sa sarong Tent City kasunod kan padagos na pagalburuto kan Bulkang Mayon.
Segun kay Punong Barangay Gilbert Bolaños, sa intrevista kan Bombo Radyo Legazpi na nilipat an mga residente hale sa eskwelahan kun sain dakulang porsyon kan saindang barangay an sakop kan 6km permanent danger zone.
An nasabing Tent City, igwang mga higdaan, comfort rooms, asin kompleto sa mga pasilidad.
Sinabi kan opisyal na mas nagin komportable sinda digdi kumpara sa elementary school kun sain kabale ninda an mga naka-assign na konseho asin mga ahensya para sa mga apektadong residente.
Sa ngonian, pig-request na ninda an dagdag na mga toilet bowl asin medisina para sa mga may helang orog na kadikit man sana an alokasyon kan saindang barangay.
Nangangapudan man an opisyal sa mga residente na magin mapagmatyag asin bantayan an saindang mga aki orog na harani ini sa national road, siring man an pag-segrate kan saindang mga basura sa nasabing lugar.
